Македонија

Балканот окован во студ и снег – невремето доаѓа кон Македонија

Балканските земји оковани во студ и снег, а навремето полека се приближува кон нашата земја. Според прогнозите веќе од викендов не очекува студен бран пропратен со снежни врнежи и силен ветер.

23.02.2018 15:14:05

Балканските земји оковани во студ и снег, а навремето полека се приближува кон нашата земја. Според прогнозите веќе од викендов не очекува студен бран пропратен со снежни врнежи и силен ветер, иако од УХМР велат дека сепак, нема да биде со истиот интензитет како во земјите северозападно од Мaкедонија.

Во меѓувреме наголемиот дел од Словенија Хрватска е прекриен со снег и мраз кој го отежнува движењето. Големи проблеми има во Лика, Горски Котар, во средна Хрватска, Славонија и делови од Далмација каде пак од морето доаѓаат оркански ветрови. Снегот продолжува да го отежнува сообраќајот во централниот и северозападниот дел од земјата, а во чистењето на снежните наноси е ангажирана и војската. Во најтешко погодените реони, во училишта нема настава. На Јадранот пак, прекинати се бродските линии.

- Ситуацијата е лоша. Дојдовме од Горски Котар, чекавме чистачи на снег 15 минути и не можевме да се мрднеме од место.
- Состојбата е грозна. Нема чистачи никаде, патиштата се замрзнати.

Слична е ситуацијата и во Босна и Херцеговина, каде дува силен ветар а патиштата се замрзнати и покриени со снег. На возачите им се советува или да го одложат патувањето или пак да носат зимска опрема. Заради невремето неколку возила се превртеа на патиштата но за среќа нема човечки жртви. Лошото време ги погоди и Црна Гора и соседна Србија.  

Соња Маневска