Спорт

Грнчаров: Немаме што да загубиме одиме на победа

Фудбалерите на македонскиот шампион Вардар утре на арената Филип втори против Зенит ќе го одиграат историскиот натпревар во фазата по групи од Лига Европа.

14.09.2017 00:15:02
"Верувам дека утре ќе играме офанзивно, на гол повеќе од противникот. Играме на нашиот стадион пред нашата публика. Се надевам дека навивачите ќе дојдат во голем број да нè поддржат. Играме одлично дома во Европа, од три натпревари имаме три победи, и посакуваме утре да ја продолжиме таа серија и да ги освоиме првите бодови во групната фаза од Лигата на Европа. Немаме што да загубиме, туку можеме само да добиеме во ова натпреварување. Кога почнавме да играме во Европа, нашата цел беше да влеземе во групната фаза од Лигата на шампионите. Но не успеавме со поразот во Копенхаген. Меѓутоа ниту групната фаза од Лигата на Европа не е за потценување. За нас е големо достигнување, среќни сме што сме тука, и сега ќе дадеме се од себе за добар резултат", рече капитенот на Вардар, Бобан Грнчаров.