Македонија

Преговорите за спорот со името продолжуваат под покровителство на ОН

По завршувањето на состанокот до јавноста стигна само соопштение дека Министрите за надворешни работи на Македонија и Грција се согласиле да ги продолжат напорите под покровителство на Обединетите Нации.

13.02.2018 19:41:00
 
 Преговорите за спорот со името продолжуваат под покровителство на ОН. Тоа се договориле денес министрите за надворешни работи на Македонија и Грција, Никола Димитров и Никос Коѕијас.

 Средбата за надминување на спорот за името, траеше повеќе од 6 часа во канцеларијата на ОН во Виена. По завршувањето на состанокот до јавноста стигна само соопштение дека  Министрите за надворешни работи на Македонија и Грција се согласиле да ги продолжат напорите под покровителство на Обединетите Нации. Со други зборови преговорите продолжуваат но детали нема.

  Средбата Димитров – Коѕијас  со Нимиц се држеше во голема тајност и до самото одржување. До јавноста не стигнаа ниту информации дали на денешниот состанок се разгледувал грчкиот нацрт-договор, кој Коѕијас го најави за средината на февруари.

 Тој пред една недела потврди дека Атина го подготвила теренот за прифаќање на конкретна одредница во која ќе биде вклучен терминот Македонија. Објави и дека во Давос двете страни се договориле да се подготви спогодба под негова одговорност, а во која ќе бидат вклучени името, јазикот, националноста и Уставот. И премиерот на Грција, Ципрас вчера побара сложено име за севкупна употреба и за меѓународна и за внатрешна употреба. За грчкиот премиер  рамка која ќе го гарантира затворањето на проблемот со името претставуваат токму уставните промени.

 Македонската Влада пак не открива детали од преговарачкиот процес, знаеме само дека позициите се различни од тие на Грција. Самото име на државата  не бил веќе главен проблем во преговорите, вистинските црвени линии сега претставуваат Уставот, националноста и јазикот кои се спорни, според високи владини извори.

 Очекувањата и на двете страни се спорот за името да се реши до март, но засега ниту македонската ниту грчката страна не знаат како. Во меѓувреме се одржуваат интензивни средби. Медиумите изминатата недела објавуваа за средба на министрите Димитров и Коѕиас во Софија на 15 и 16 каде ќе се одржи неформален состанок на шефовите на дипломатиите на ЕУ. Засега за оваа средба меѓу Димитров и Коѕијас нема официјална потврда. Веројатно во зависност од тоа како ќе се движат преговорите во Вина ќе зависат и следните чекори.

 На последната посета во Скопје Нимиц порача дека Нема многу време и сега е вистинскиот момент за решавање на спорот со името. Тогаш не кажа ниту еден предлог кој се врти на преговарачката маса меѓу Македонија и Грција и не сакаше да шпекулира за можно пропаѓање на преговорите . Изрази очекување во наредните недели и месеци да се реши деценискиот спор кој се влече повеќе од 25 години. 

 Македонија се надева дека овој јули ќе биде на врвот на листата за прием во НАТО, но едно е јасно ако не се реши спорот со името Грција повторно може да го блокира влезот за придружување на Алијансата.

Лепа Џундева  
 

igorjanev@mts.rs

Од: Igor Janev

Време: 14.02.2018 01:44:27

Коментар: Mojata metoda podrazbira procedura za prodlzhuvanje vo OON chlenstboto pod ustavnoto ime vo ON odnosno : 1. raskin na pregovorite vodeni od Nimic; 2 .Nimic, potoa, za kraj ili prekin izvestuva Generalen Sekretar na ON (Gensek) za kraj ili traen prekid na pregovorite, kako trajno opredelnie na Makedonija; 3. Generalen Sekretar i Grcija, potoa, izvestuvaat Sovetot za Bezbednost (SB), i baraat (itna) sednica na Sovetot za Bezbednost na ON, bidejki drzhavata veke nema namera da pregovara za imeto; 4. na sednicata na SB se donesuva SB Rezolucija ili samo Pretsedatelsko sooposhtnie na Pretsedavash na SB kade se povikuvaat i devete strani da nastavaat da pregovaraat; 5. Makedonija, potoa, podnesuva Baranje za Dneven red za Generalnoto sobranie (GSON) do Generalniot komitet na Generalnoto sobranie na ON ( t.e. predlog tochka za Dneven red na sednicata na Generalnoto sobranie na ON); 6. predlogot , potoa, po glasanjeto vo Generalniot komitet pominuva i se stava na glasanje na Generalnoto sobranie na ON (UNGA/GSON); 7. se glasa za prodolzhenie ON chlenstvoto pod ustavnoto ime RM; 8. koga ke se izglasa prodolzhenie ON chlenstvoto pod Republika Makedonija vo GS na ON, zavrshuva cela rabota, i nemame veke problem so OON i so Grcija vo OON odnosno problem so imeto e reshen.